Badiiy gimnastika bo'yicha “Yoshlar kubogi” xalqaro turniri o'tkazildi

Jismoniy tarbiya va sport vazirligi, O'zbekiston yoshlar ittifoqi Markaziy Kengashi, Yoshlar ittifoqi sport markazi hamkorligida tashkil etilgan turnirda Rossiya, Xitoy, Hindiston, Isroil, Ukraina, Birlashgan Arab Amirliklari, Qirg'iziston, Tojikiston davlatlaridan, shuningdek respublikamiz barcha hududlaridan tashrif buyurgan jami 250 nafar yosh gimnastikachi ishtirok etdi.

Mazkur musobaqa badiiy gimnastikani targ'ib qilish, xorijiy mamlakatlar klublari bilan do'stlik aloqalarini mustahkamlash, mazkur sport turini targ'ib qilish va yoshlarni sportga jalb etish, trenerlar va sportchilar o'rtasida tajriba almashishni yo'lga qo'yish maqsadida tashkil etildi. Bu kabi turnirlar yosh gimnastikachilar mahorati, mashg'ulotlar sifatini oshirishga xizmat qiladi. Musobaqalardan keyin bir hafta mobaynida rossiyalik trenerlar va gimnastikachilar ishtirokida mahorat saboqlari o'tkaziladi.