Badiiy gimnastika: Osiyo chempionatida muvaffaqiyatli ishtirok etgan qizlarimiz tantanali kutib olindi

Mazkur musobaqada badiiy gimnastika bo'yicha ayollar va yoshlardan iborat O'zbekiston milliy terma jamoalari yuqori saviyada ishtirok etishdi. Osiyo chempionatida O'zbekiston milliy terma jamoasi 18 ta medal (10 ta oltin, 7 ta kumush, 1 ta bronza) qo'lga kiritdi.

Osiyo chempionatida munosib ishtirok etgan badiiy gimnastikachilarimiz bugun tunda Islom Karimov nomidagi Toshkent xalqaro aeroportida tantanali kutib olindi. Kutib olish marosimida Sportni rivojlantirish vazirligi, O'zbekiston gimnastika federaciyasi, sportchilarning ota-onalari va OAV xodimlari ishtirok etishdi.

Vakilalarimizning qita birinchiligida qayd etgan natijalari bilan tanishing.

Osiyo chempionati, jamoaviy bahslar (kattalar o'rtasida):

1. O'zbekiston,

2. Qozog'iston,

3. Yaponiya.

Osiyo chempionati, jamoaviy bahslar (o'smir qizlar o'rtasida):

1. Qozog'iston,

2. O'zbekiston,

3. Yaponiya.

Osiyo chempionati, kattalar o'rtasida:

Ikramova Taxmina — 4 ta oltin, 1 ta kumush,

Tashkenbaeva Sabina — 1 ta kumush.

Guruh chiqishlari (Ibragimova SHahzoda, Azamova Nilufar, Ishoqzoda Mumtozabonu, Jumaniyazova Nargiza, Abduraufova Xurshidabonu, Pak Mariya) 2 ta oltin, 1 ta kumush.

Osiyo chempionati, o'smir qizlar o'rtasida:

Usova Natalya 1 ta oltin, Saranseva Anastasiya 1 ta kumush, Atalyans Evelina 1 ta oltin, Savadyan Vilana 1 ta oltin. Guruh bahslari (Domenika Damirova, Irodaxon Sadiqova, Diyora Baxtiyorova, Mubina Kamolova va Amira Mirzayorova) 2 ta kumush, 1 ta bronza.

SHuningdek, Osiyo chempionatida jami 15ta davlat ishtirok etgan bo'lib, umumjamoa hisobida 1-o'rinni O'zbekiston terma jamoasi egalladi. 2-o'rin Qozog'iston terma jamoasiga nasib etdi. 3-o'rinni yaponiyalik badiiy gimnastikachilar qo'lga kiritishdi.

Sportni rivojlantirish vazirligi hamyurtlarimizni Osiyo chempionatidagi munosib ishtiroki bilan muborakbod etadi.