Bahaybat Brok Lesnar "kletka"ga qaytmoqchi

U WWE promousheni bilan shartnomasini bekor qildi va boshqa tashkilotlardan tushadigan takliflarga ochiq ekanini aytdi. 43 yoshli Lesnar restling va aralash yakkakurash olamining ko'zga ko'ringan yulduzlaridan hisoblanadi. 

U MMAdagi so'nggi jangini 2016 yilda o'tkazgan va o'shanda Mark Xantni mag'lubiyatga uchratgan edi. Lekin keyinroq Lesnar doping-testdan o'ta olmagani uchun jang natijasi bekor qilingandi. Uning 2018 yilda UFCga qaytishi omadsiz yakunlangan. Og'ir vazn chempioni Daniel Korme bilan muzokaralar amalga oshmay qolgan edi.