BAHODIIIIR! Bizda uchinchi oltin! Jalolov kubalik raqibini muddatidan oldin mag'lub etib, ikki karra jahon chempioniga aylandi!

Bugungi kun doirasidagi so'nggi, oltinchi final jangi +92 kg vazn toifasida bo'lib o'tdi. Unda o'zbekistonlik bokschi Bahodir Jalolov kubalik Fernando Lopes Arzolaga qarshi ringga chiqdi. Mazkur jang 1 raund davom etdi va unda raqibi jangni davom ettirishni istamagani sabab "Big Uzbek", yani Bahodir Jalolov g'alaba qozongan holda jahon chempionatining oltin medali hamda 200 ming dollar pul mukofotini qo'lga kiritdi.

Bu O'zbekiston terma jamoasining Toshkentdagi jahon chempionatida qo'lga kiritgan uchinchi oltin medali hisoblanadi. SHuningdek, bu Bahodir Jalolov uchun ikkinchi chempionlik hisoblanadi.