Bahodir Jalolov ishtirokidagi final jangi muddatidan oldin yakunlandi

Biroz avval musobaqaning erkaklar o'rtasidagi boks bahslari o'z yakuniga etdi. Hal qiluvchi bosqichga terma jamoamizning 12 azosi etib kelgandi. Erkaklar o'rtasidagi eng so'nggi jang eng og'ir vazn toifasida o'tkazildi. Unda Olimpiada chempioni Bahodir Jalolov belaruslik Vladislav Smyaglikovga qarshi ringga ko'tarildi. 

Smyaglikov Bahodir chempion bo'lgan Tokio-2020 Olimpiadasini kuchli beshlikda yakunlagan edi. Uch raundlik jang so'nggi raundda to'xtatildi. Ikki bor nokdaun holatiga tushib qolgan belaruslik bokschining murabbiylari ring markaziga oq sochiq tashlashdi va Jalolov BRIKS o'yinlari chempioniga aylandi.