Bahodir Jalolovning prof boksdagi navbatdagi raqibi, jang sanasi va manzili bo'yicha xabarlar tarqaldi

Jalolov 2025 yil, 6 fevral kuni Kanadaning Monreal shahrida tashkil etiladigan boks oqshomi doirasida ringga qaytadi.

Unga o'sha kuni franciyalik Devid Spilmont raqiblik qilishi aytilmoqda. Bu haqda insayder Jalol Ahmedov o'z telegram kanalida xabar berdi.

Malumot o'rnida, Jalolov prof faoliyati davomida hozirga qadar 14 ta jang o'tkazib, ularning barchasida g'alaba qozongan. So'nggi jangini 2023 yil 17 noyabr kuni JAR vakili Kris Tompsonga qarshi o'tkazib, ilk raunddayoq nokaut orqali zafar quchgandi. 30 yoshli charm-qo'lqop ustasi havaskor boksda ikki karra Olimpiya o'yinlari g'olibi hisoblanadi.

Uning bo'lajak raqibi Devid Spilmont esa shu kungacha 27 ta jang o'tkazib, 16 ta g'alaba, 8 ta mag'lubiyat va 1 ta durang qayd etgan. G'alabalarining 11 tasini nokaut orqali qo'lga kiritgan.