Bahodir, SHohjahon pastlagan WBC reytingida Isroil va SHahram ko'tarildi + POSTER

Butunjahon Boks uyushmasi yanvar oyi uchun yangilangan reytingni elon qildi. Dekabr oyida reytingdan chiqarilgan Elnur Abduraimov TOP-40 ga qaytdi

SHu tariqa, reytingda 11 nafar charm qo'lqop ustamiz o'rin egalladi. 

Ularning joylashgan o'rinlari bilan tanishing:

Superog'ir vazn: Bahodir Jalolov o'tgan oydagi o'rniga nisbatan 1 pog'ona pastlab, 15-o'ringa joylashdi;

Super o'rta vazn toifasi (76,2 kg): Azizbek Abdug'ofurov 1 pog'ona pastlab va 12-o'ringa joylashdi; Bektemir Meliqo'ziev esa 24-o'rinni band etdi, o'tgan oyda u 26-pog'onada edi;

Super yarim o'rta vazn (69,8 kg): Isroil Madrimov 2 po'gona yuqorilab 6-o'ringa joylashdi;

Yarim o'rta vazn (66,6 kg): Qudratillo Abduqahhorov o'tgan oydagidan 1  pog'ona ko'tailib 17-o'ringa joylashdi; SHahram G'iyosov 19-o'rin, G'iyosov o'tgan oyda 21-o'rinda edi;  Jamshidbek Najmitdinov 30-o'rinda, bokschimiz o'tgan oyda 29-pog'onada ko'rsatilgan edi;

Super engil vazn (63,5 kg): SHohjahon Ergashev 13-o'rinda qayd etildi, bokschimiz o'tgan oyda 11-o'rinni band etib turgandi, Botir Ahmedov 1 pog'ona yuqorilab 21-o'ringa joylashtirildi;

Super yarim engil vazn (58,9 kg): Elnur Abduraimov reytingga qayta kiritilib 39-o'ringa joylashtirildi;

Birinchi o'ta engil vazn (48,8 kg): Hasanboy Do'smatovning o'tgan oydagidan 1 o'rin ko'tarilib 12-o'rinni band etgan.