Bahromjon Mashrapovning navbatdagi raqibi va jang sanasi malum

Yarimo'rta vaznda o'zbekistonlik aralash yakkakurash ustasi Bahromjon Mashrapov (6-2) navbatdagi jangini 17 fevral kuni Indianapolis (AQSH)da tashkil etilayotgan LFA 153 musobaqasi doirasida mezbon yurt vakili — Logan Urbanga (6-1) qarshi o'tkazadi. Ushbu turnir UFC Fight Pass tomonidan translyaciya qilinadi.

Logan Urban faoliyati davomida UFC'ga yo'llanma beruvchi Dana Uayt seriyasida ham jang qilgan. Lekin uning jang natijasi bekor qilingan.

Malumot uchun, Bahromjon Mashrapov so'nggi bor 2022 yilning 19 avgust kuni Alabama (AQSH)da tashkil etilgan B2 FC 273 musobaqasi doirasida amerikalik Treston Vaynsga (5-2) qarshi jang qilib, nokaut evaziga g'alaba qozongandi.

Qizig'i, Logan Urban ham oxirgi jangini aynan 19 avgustda o'tkazgan, faqat boshqa ligada. Rayan CHarleboys (3-2)ga qarshi oktagonga chiqqan Urban o'sha jangda hakamlar qarori bilan g'olib bo'lgan edi.