19 fev 13:25
Yangiliklar

Sport kurashlari

Bahromov Osiyo chempionatining 1/2 finalida, Huseynovda mag'lubiyat

Hindistonning Nyu-Deli shahri mezbonlik qilayotgan sport kurashlari bo'yicha kattalar o'rtasidagi Osiyo chempionatining ikkinchi kungi bellashuvlari davom etmoqda.

Xabar berganimizdek, bugun qita chempionatida yunon-rim kurashi bo'yicha 5ta vazn toifasida bellashuvlar o'tkazilmoqda. Hamyurtlarimizdan birinchi bo'lib Islomjon Bahromov (-60 kg) 1/2 final yo'llanmasini qo'lga kiritdi. Bahromov tojikistonlik Firuz Mirzorajabovni 9:0 hisobida engdi. Endi u yarim finalda yaponiyalik Kenichiro Fumitaga qarshi gilamga chiqadi.

-82 kg vazn toifasida yurtimiz sharafini himoya qilayotgan Jalgasbay Berdimuratov ilk bosqichda qirg'izistonlik Samatbek CHonoralievdan 5:1 hisobida ustun keldi. Birozdan so'ng u koreyalik CHoy Jun Kyong bilan hisob-kitob qiladi. Alijon Xuseynov (-72 kg) hindistonlik Aditiya Kunduga 2:8 hisobida yutqazib qo'ydi.