10 may 15:07
Yangiliklar

Dzyudo

Baku Grand Slam. Muhriddin uchinchi g'alabasini qo'lga kiritdi

Ozarbayjon poytaxti Boku shahrida “Katta Dubulg'a” turkumiga kiruvchi nufuzli turnir davom etmoqda.

Baku Grand Slam 2019 musobaqasida uch nafar o'zbekistonlik dzyudochilar - Muhriddin Tilovov, SHahzod Sobirov va Obidxon Numonov yurtimiz sharafini himoya qilishyapti.

Hozirgina -66 kg vazn toifasidagi dzyudochimiz Muhriddin Tilovov turnirdagi uchinchi g'alabasini qo'lga kiritdi. Yurtdoshimiz isroillik kuchli raqib Barux SHmailovni mag'lubiyatga uchratdi va chorak finalga chiqdi.

Malumot uchun, Tilovov ilk davrada qatarlik Ayub Elidrissini ippon, yani sof g'alaba evaziga mag'lub etgan, ikkinchi bosqichda belgiyalik Kennet Van Gansbekedan ustun kelgan edi. Muhriddin chorak finalda ozarbayjonlik Ibrohim Alievga qarshi tatamiga chiqadi.