12 may 13:37
Yangiliklar

Dzyudo

Baku Grand Slam. Sobirov ikkinchi bellashuvida mag'lubiyatga uchradi

Bugun Ozarbayjon poytaxti Boku shahrida o'tkazilayotgan “Katta Dubulg'a” turkumiga kiruvchi nufuzli turnir yakuniga etadi.

Afsuski, Baku Grand Slam 2019 musobaqasi biz uchun muddatidan avval yakunlanib bo'ldi. So'nggi uchinchi kungi bahslarda ishtirok etgan SHahzodbek Sobirov ikkinchi davra uchrashuvida mag'lubiyat alamini totib ko'rdi.

-90 kg vazn toifasidagi yurtdoshimiz birinchi davrada britaniyalik Jamal Petgravdan ustun kelgan edi. Lekin dzyudochimiz biroz avval yakuniga etgan ikkinchi bosqich bahsida vengriyalik Kristian Totga yutqazib qo'ydi.

Eslatib o'tamiz, “Katta Dubulg'a” turkumidagi ushbu turnirda uch nafar dzyudochimiz yurtimiz sharafini himoya qildi. Ulardan eng yaxshi natijaga Muhriddin Tilovov erishdi. -66 kg vaznda beshinchi o'rinni egallagan Tilovov o'z hisobiga 360 reyting ochkosini yozib qo'ydi.