Barcha nigohlarga Budapesht shahriga qaratiladi

6-13 iyun kunlari Vengriya poytaxti Budapesht shahrida kattalar o'rtasidagi Jahon chempionati bo'lib o'tadi. Musobaqada sayyoramizning 5 qitasi 129 davlatidan jami 692 (406 erkak, 286 ayol) nafar dzyudochi jahon chempionati medallari hamda Tokio Olimpiadasi yo'lidagi so'nggi reyting ochkolari uchun tatamiga chiqadi. 

Reja bo'yicha ertaga, 5 iyun kuni jahon chempionatiga qura tashlash marosimi o'tkaziladi. Musobaqa g'oliblari 2000, kumush medal egalari 1400, bronza medali sohiblari 1000 reyting ochkosini qo'lga kiritadilar. Jahon chempionatidan so'ng Olimpiada reytingi yopiladi va Tokioga boradigan dzyudochilar nomi rasman aniq bo'ladi.