"Barselona" sobiq futbolchisi butsalarini mixga ildi

"Bugun hayotimning bir qismi bilan xayrlashish vaqti keldi. SHuncha yillar, shuncha o'yinlar, turli kiyinish xonalari, cheksiz quvonchlar va og'ir damlardan so'ng professional futbolchilik faoliyatimni yakunlash pallasi etdi.

Futbol menga hamma narsani berdi. U bir vaqtlar imkonsiz bo'lib tuyulgan orzularimni ro'yobga chiqarishga, umrim davomida yodda saqlaydigan insonlar bilan tanishishga hamda xotiramda bir umrga muhrlanib qoladigan lahzalarni boshdan kechirishga imkon yaratdi. Men uchun barcha narsani anglatuvchi liboslarni kiyish, bu yo'lni jamoadoshlarim, murabbiylar, klub xodimlari, do'stlarim va eng avvalo, oilam bilan bo'lishish baxtiga muyassar bo'ldim.

Qachondir menga muxlislik qilgan, qo'llab-quvvatlagan, tanqid qilgan yoki shunchaki yonimda bo'lgan barchaga rahmat. CHin qalbimdan tashakkur aytaman. Men ushbu sport turiga bor kuchimni berganimdan qanoat hosil qilgan holda, bosib o'tgan yo'limdan cheksiz faxr tuyg'usi bilan ketmoqdaman.

Bugun professional futbolchilik faoliyatim nihoyasiga etmoqda, ammo futbol menga o'rgatgan barcha narsa to abad men bilan qoladi. Rahmat senga, futbol", – deb yozdi sportchi ijtimoiy tarmoqlardagi sahifasida.

"Barselona" va "Fiorentina"dan tashqari ispaniyalik futbolchi faoliyati davomida "Portu", "Betis", "Los-Anjeles", Saudiya Arabistonining "Al Fotih" va "Al Uruba", shuningdek, BAAning "Palm Siti" jamoalarida to'p tepgan. "Barselona" tarkibida Telo Ispaniya chempioni va mamlakat Kubogi sohibi bo'lgan, "Betis" bilan esa Ispaniya Kubogini qo'lga kiritgan.

SHuningdek, Telo Ispaniya milliy terma jamoasi safida 1 ta o'yin o'tkazgan.