Baydarka va kanoechilarimizning licenzion musobaqaga tayyorgarligi o'rganildi + FOTO

Unda terma jamoalarimizning Parij-2024 yozgi Olimpiya va Paralimpiya o'yinlariga tayyorgarligini yanada kuchaytirish bo'yicha muhim topshiriqlar berildi.

Sport vazirligi hamda Milliy Olimpiya qo'mitasi xorijda shug'ullanayotgan terma jamoalarning sharoitini batafsil o'rganmoqda. Qo'mita raisi o'rinbosari boshchiligidagi ishchi guruh bugun Turkiyaning Belek shahrida o'quv-mashg'ulot yig'inini olib borayotgan baydarka va kanoeda eshkak eshish bo'yicha terma jamoalarimizning bazasiga borib, sportchi va murabbiylar uchun yaratilgan sharoitlarni ko'zdan kechirdi.

Terma jamoa 2023 yilning dekabr oyidan beri bir necha bosqichdan iborat uzluksiz mashg'ulotlarni olib boryapti. Tayyorgarlik joriy yilning aprel oyida Yaponiyada o'tadigan qitaviy licenzion musobaqaga qaratilgan. SHerzod Tashmatov sportchilarning mashg'ulotini bevosita kuzatib, ularga yaratilgan sharoitlar, ruhiy va jismoniy holatini o'rgandi.

SHuningdek, murabbiylar shtabi bilan suhbatda litsenzion musobaqa uchun shakllantirilayotgan ekipajlar, ularning imkoniyatlari bo'yicha fikr almashildi. MOQ raisi o'rinbosari jamoaga bo'lajak turnirda munosib ishtirok etib, mamlakatimizga Olimpiya o'yinlarining yo'llanmalari bilan qaytishlarini tiladi.