Bayram sabab chiroyli ananalar davom etadi

Mana shunday ezgu tashabbus ananasi bu yil ham davom ettirilib, umrlarining katta qismini o'zbek sportining bugungi rivojiga sarf qilgan faxriylarimizga pul mukofotlari topshirildi. 

Milliy Olimpiya qo'mitasida o'tgan tadbirda Sportni rivojlantirish vazirining o'rinbosari Abdulla Aslonov, MOQ Bosh kotibi Oybek Kasimov, shuningdek, Bahodir Maxsitov boshchiligidagi bir guruh faxriylar ishtirok etishdi. 

Tadbirda so'z olganlar davlatimiz tomonidan Mustaqillik bayrami arafasi har bir fuqarolarimizga o'zgacha shukuh ulashish maqsadida katta ish olib borilayotgani, xususan, keksalarning holidan xabar olinib, ularni qo'llab-quvvatlash ko'zda tutilganini alohida takidladilar. 

SHundan so'ng 42 nafar faxriyga Sportni rivojlantirish vazirligi va Milliy Olimpiya qo'mitasining bayram sovg'alari topshirildi. Yakunda so'z olgan fidoyilarimiz ularga ko'rsatilayotgan bunday etibordan mamnun ekanliklarini, kelajakda ham sportimiz rivoji, jonajon Vatanimiz ravnaqi uchun xizmat qilishga tayyor ekanliklarini bildirishdi.