09 avg 10:13
Yangiliklar
Boks/MMA
Bektemir Meliqo'ziev Dmitriy Bivolning so'nggi raqibi Xilberto Ramires bilan sparring o'tkazdi + FOTO
Ikkinchi yarim o'rta vazn toifasida WBA Inter-Continental kamari sohibi, o'zbekistonlik professional bokschi Bektemir Meliqo'ziev (12-1-0) ayni damda Amerika Qo'shma SHtatlarida navbatdagi jangiga tayyorgarlik olib bormoqda.
Hamyurtimiz kecha o'z Instagram sahifasi orqali yarim og'ir vazn toifasida WBO sobiq chempioni, meksikalik Xilberto Ramires (44-1) bilan sparring olib borganini malum qildi va Ramiresga sparring bahsi uchun minnatdorchilik bildirdi.
Eslatib o'tamiz, Xilberto Ramires so'nggi bor o'tgan yilning noyabr oyida rossiyalik WBA chempioni Dmitriy Bivolga qarshi jang qilib, faoliyatidagi yagona mag'lubiyatini qabul qilib olgan edi. Hamyurtimiz Bektemir Meliqo'ziev esa oxirgi jangini aprel oyida meksikalik Gabriel Rosadoga qarshi o'tkazib, g'alaba qozongan va vakant bo'lib turgan WBA Inter-Continental kamarini qo'lga kiritgan edi.
Havola :
Manba : instagram.com/bektemirmelikuziev
Fikrlar