Bekzod Xidirov yakuniga etgan O'zbekiston kubogi, yangi nom va rejalar haqida gapirdi

O'smirlar terma jamoasi katta murabbiyi Bekzod Xidirov O'zbekiston kubogidagi janglar va kelgusi rejalar haqida gapirdi.

«Ko'rdikki, musobaqa ishtirokchilari yaxshi sport formasida ekan. Bu bokschilar oktyabr oyida "Universal" sport saroyi mezbonligida o'tgan o'smirlar o'rtasidagi O'zbekiston chempionatida ham ishtirok etishgan edi. Kubok bahslari orqali esa o'z mahoratlarini yana bir bor oshirib olishdi.  Ishonamanki, mana shu turnirlar orqali biz saralab olgan yosh charm qo'lqop ustalari kelajakda Olimpiada, Jahon chempionlari bo'lib etishadi. Kubok bahslarida -42 kg vaznda ishtirok etgan Nodir Ergashevni o'zim uchun kashf qildim deb ayta olaman. Juda ham iqtidorli sportchi ekan. -63 kg vaznda namangalik bokschi ham menda yaxshi taassurot qoldirdi. 

Dekabr oyi o'rtalarida SHarja shahrida xalqaro o'quv-yig'in mashg'ulotini o'tkazishni rejalashtirganmiz. Bu kabi xalqaro o'quv-yig'in mashg'uloti keyingi yil bo'lib o'tadigan Osiyo chempionati va xalqaro turnirlarga tayyorgarlikda yosh bokschilar uchun ruhiy tomonlama muhim ahamiyat kasb etadi. Undan keyingi o'quv-yig'in mashg'ulotlarimiz yanvar oyida Toshkent viloyatidagi "Yangiobod" bazasida bo'lib o'tadi» - dedi Bekzod Xidirov.

Xurshida Abdikulova, Sarvinoz Raxmonqulova suhbatlashdi