Belal Muhammadni mag'lub etgan Yen Garri Islam Maxachevga maktub qoldirdi

Uning fikricha, Islam ilk chempionlik himoya jangini aynan Garriga qarshi o'tkazishi kerak. 

"Biz buni yana takrorladik. Men sobiq chempionni, to'qqiz yil davomida hech kim finish qila olmagan juda kuchli va chidamli raqibni mag'lub etdim va butun dunyoga qanchalik yaxshi ekanligimni ko'rsatdim. Barcha teykdaunlarni to'xtatib, uni stoykada taslim etdim.

Islam Maxachev, endi to'g'ridan-to'g'ri senga murojaat qilyapman. Senda kamarni dunyoning eng zo'riga qarshi himoya qilish majburiyati bor va hozir sen unga tik qarayapsan. SHunday ekan, tayyor bo'lganingda, senda xohish paydo bo'lganida, chunki to'p hozir sening savatingda, bizda Irlandiya va Dog'iston 2 o'rtasidagi qarama-qarshilik bo'ladi. Ammo endi yarim o'rta vazn toifasidagi chempionlik uchun", - dedi irlandiyalik ijtimoiy tarmoqda elon qilingan videoda.

SHuningdek, Garri tadbirdan keyingi matbuot anjumanida o'z fikrini davom ettirdi.

"Menda Islam Maxachevga nisbatan hurmatdan boshqa hech narsa yo'q. U dunyoning eng yaxshi jangchisi va mening divizionim chempioni. Ammo sen mening orzularim yo'lida turganingda, amin bo'lki, men sening boshingni olaman. Men u bilan navbatdagi jangni o'tkazishim kerak. Divizionda menikidek xizmat ro'yxati boshqa hech kimda yo'q. Rodriges, Megni, Jeff Nil, Maykl Peyj, SHavkat, Prates, endi esa Belal Muhammad... men titul imkoniyatini qo'lga kirita olmayman? Men bunday deb o'ylamayman.

Islam Maxachev - Xabibning himoyachisi. Men esa Konorning himoyachisiman. U Xabibning eng yaxshi versiyasi. Men esa Konorning. Bu ajoyib jang va uni tashkillashtirish kerak. U meni parterga o'tkazishi kerak bo'ladi. Men esa tik turishim kerak. U istalgan vaqt va joyni tanlashi mumkin - men u bilan Dog'istonda ham jang qilishga tayyorman. Bu meni qo'rqitmaydi. Ammo u to'g'ri yo'l tutishi va dunyodagi eng yaxshiga qarshi himoyani amalga oshirishi kerak va bugun men bu - men ekanligimni isbotladim", - dedi Garri.