Belbog'li kurash. Mamlakat chempionlari CHiroqchida aniqlandi

Sport vazirligi hamda O'zbekiston belbog'li kurash federaciyasining yillik taqvimidagi mazkur chempionatda Qoraqalpog'iston Respublikasi, Toshkent shahri va barcha viloyatlardan 500 nafarga yaqin yosh polvonlar belbog'li kurashning belbog'li kurash va erkin yo'nalishida g'oliblik uchun kurash tushishdi.  

CHempionatning birinchi kunida dastlab, musoboqaning tantanali ochilish marosimi tashkil etildi. 

Unda so'z olgan CHiroqchi tuman hokimi Fayzulla Yusupov, O'zbekiston belbog'li kurash federaciyasi raisi Ravshan Dastirov hamda federaciya bosh kotibi Abduxalil Malikovlar mamlakatimizda jismoniy tarbiya va sportga, xususan, milliy sport turlarimizga qaratilayotgan yuksak etibor xususida takidlab, musobaqa ishtirokchilariga omad tilashdi.

SHundan so'ng musobaqa reglamentiga muvofiq, bellashuvlarga start berildi. Uch kun davom etgan chempionatda o'g'il bolalar belbog'li kurashning klassik va erkin yo'nalishida 13 ta vazn toifasida, qizlar esa erkin yo'nalishda 9 ta vaznda o'zaro kuch sinashishdi.

Takidlash joiz, musobaqa murosasiz va keskin kurashlarga boy tarzda o'tdi. Ayniqsa, og'ir vazndagi kurashchilarning chiqishlari tomoshabinlar olqishiga sazovor bo'ldi.

Ilhom RAHMONOV tayyorladi