Belbog'li kurash. Polvonlarimiz xalqaro turnirda kumush medalni qo'lga kiritishdi

O'n olti davlatdan yuz nafardan ortiq polvonlar ishtirok etgan mazkur xalqaro turnirda ishtirok etgan  Mardon Kimsanboev (62kg.), Sardor Madaminov (68 kg.), Xusniddin Ro'ziev (75 kg.), Ilhom Mashrabov, Kamoliddin Mahkamov (90 kg.), Azamjon Anvarjonov (100 kg.) hamda SHerzod Rahimov (+100 kg.) lardan iborat terma jamoamiz jamoaviy bellashuvlar yakuniga ko'ra  faxrli ikkinchi o'rinni qo'lga kiritib, kumush medallarga ega chiqishdi. Birinchi o'rin esa mezbonlarga nasib etdi.
Farhod JUMANOV, belbog'li kurash bo'yicha xalqaro toifadagi hakam: - Turnir yuqori saviyada tashkil etilgani va bellashuvlar murosasiz tarzda o'tganiga guvoh bo'ldik. Polvonlarimizning ishtiroki ham muvaffaqiyatli bo'ldi. Turnirda sportchilarimizga hamrohlik qilgan O'zbekiston Belbog'li kurash federaciyasi raisi Ravshan Dastirov, xalqaro toifadagi hakam Miranshoh Ro'zievlar bilan birgalikda polvonlarimizning xalqaro maydonlarda imkoniyatlarini sinovdan o'tkazish imkoniyatiga ham erishdik. Bundan ko'zlangan maqsad esa, nufuzli musobaqalarda munosib nomzodlarni aniqlash, terma jamoamiz tarkibini kuchli sportchilar bilan to'ldirib borishdan  iborat bo'ladi.

Ilhom RAHMONOV