Belinda Benchich Tokio Olimpiadasi chempioni bo'ldi

Unda jahonning 12 raketkasi shveycariyalik Belinda Benchich  WTA reytingida 42 o'rinni egallab turgan chexiyalik Marketa Vondroushovaga qarshi kortga chiqdi.  2 soatu 30 daqiqa davom etgan uchrashuvda Benchich  raqibasini 7/5, 2/6, 6/3 hisobida mag'lubiyatga uchratib, Olimpiya o'yinlari chempioniga aylandi.

Benchich faoliyatidagi ilk Olimpiadada oltin medalga sazovor bo'ldi va yakkalik bahslarida bunday natijani qayd etgan birinchi shveycariyalik ayolga aylandi. Vondrousova ham birinchi marta Olimpiadada chiqish qildi va o'zining birinchi medalini qo'lga kiritdi.