Beterbiev va Bivolning bugungi jang uchun gonorarlari malum

Oqshomning asosiy jangi yarimog'ir vazn toifasida mutlaq jahon chempionligi uchun bo'lib o'tadi. Mag'lubiyat va murosa nimaligini bilmay kelayotgan rossiyalik bokschilar — 39 yoshli Artur Beterbiev va 33 yoshli Dmitriy Bivol ringda o'zaro to'qnash kelishadi. CHempionlarning bugungi jang uchun kafolatlangan gonorarlari malum bo'ldi. 

Top Rank promouterlik kompaniyasi rahbari, 93 yoshli Bob Arumning aytishicha, har ikki bokschi ham jang natijasidan qati nazar kafolatlangan 10 million AQSH dollari miqdoridagi gonorarga ega bo'ladi. Ushbu summa ikkala chempion uchun faoliyatidagi eng katta gonorar hisoblanadi. 

Taqqoslash uchun, shu kungacha Dmitriyning jang uchun olgan eng ko'p gonorari 5 mln, Beterbievniki esa 2,115 mln dollarni tashkil qilgan.