18 may 21:09
Yangiliklar

Dzyudo, Olimpiya o'yinlari

Bilasizmi? Terma jamoamiz bosh murabbiyi Olimpiadaning dzyudo bo'yicha eng yosh chempioni!

Dzyudo bo'yicha O'zbekiston milliy terma jamoasi bosh murabbiyi Ilias Iliadis aynan ushbu sport turi bo'yicha eng yosh Olimpiada chempioni hisoblanadi.

Ilias Iliadis - 1986 yil 10 noyabr kuni Gruziyaning Axmeta shahrida grek oilasida tavallud topgan. Greciya terma jamoasi azosi bo'lgan. 2004 yil Afinada o'tkazilgan yozgi Olimpiya o'yinlarida -81 kilogramm vazn toifasida oltin medalni qo'lga kiritib, dzyudo tarixida eng yosh (17 yosh) Olimpiada chempioniga aylangan.

Iliadis London-2012 Olimpiadasida bronza medalini sohibi bo'lgan. Tokio (2010), Parij (2011) va CHelyabinsk (2014)da o'tgan jahon chempionatlari g'olibi.

SHuningdek, u jahon chempionatlarining ikki karra kumush va bir bor bronza medali sovrindori hisoblanadi. Uch karra jahon chempioni Ilias Iliadis Pekin-2008 yozgi Olimpiya o'yinlarining ochilish marosimida Greciya terma jamoasining bayroqdori bo'lgan.