Bivol - Beterbiev jangining ehtimoliy sanasi va manzili malum bo'ldi

Yarim og'ir vazn toifasida WBC, WBO, WBA, IBF va IBO kamarlari uchun kechadigan jang 1 iyun kuni o'tkaziladi. Jang Saudiya Arabistonining Ar-Riyod shahrida tashkil etiladigan boks oqshomi doirasida bo'ladi.

Bu haqda jurnalist Dan Rafael xabar bermoqda.

Eslatib o'tamiz, Bivol (22-0-0) o'zining so'nggi jangini 2023 yil dekabr oyida Lindon Arturga qarshi o'tkazib, ochkolar hisobiga ko'ra g'alaba qozongan edi.

Artur Beterbiev esa oxirgi jangini 14 yanvar kuni Kanadada Kallum Smitga qarshi o'tkazdi va texnik nokaut evaziga zafar quchdi.