Bobonovning kumushi sabab umumjamoa hisobida 10-o'ringa ko'tarildik + FOTO

Aynan Davlat Bobonovning kumush medali sabab O'zbekiston terma jamoasi jahon chempionatida ishtirok etayotgan dunyoning 118 davlati orasida umumjamoa hisobida 10-o'ringa ko'tarilib oldi. Agar dzyudochimiz chempion bo'lganida, hozir 4-o'ringa ko'tarilar edik.   

Medallar jamg'arish bo'yicha hamon katta farq bilan Yaponiya terma jamoasi peshqadamlik qilyapti. Dzyudo vatani vakillari 3 ta oltin, 3 ta kumush, 1 ta bronza medali bilan birinchi o'rinni band etishgan. Ispaniya terma jamoasi Nikoloz SHerazadishvilining kechagi oltin medali evaziga ikkinchi o'ringa ko'tarilib oldi. Bittadan oltin va kumush medalga ega Gruziya terma jamoasi kuchli uchlikka yakun yasab bergan.