27 noy 08:14
Yangiliklar
Boks/MMA
Bogdan Guskov: "Qiyofadoshim Entoni Smit bilan jang qilishim mumkin"
O'zbekistonlik aralash yakkakurash ustasi, yarimog'ir vazn toifasida UFC reytingida 14-o'rinni egallab turgan Bogdan Guskov qiyofadoshi Entoni Smit bilan ehtimoliy jang haqida gapirdi.
"Uni ko'p bor jangga chorlaganman. Rostini aytsam, u haqida gapiraverib, charchadim. Eshitishimcha, so'nggi jangimdan keyin Las-Vegasdan uchib ketganimizdan keyin UFC bu jangni muhokama qilgan. Smit keyingi jangini men bilan o'tkazishga rozi bo'lgan. Men oktyabr oyida jang qilishga tayyor edim. Jang sanasi bo'yicha muzokara olib borayotgandik. Lekin kelishuvga erishilmadi. Ular Reyes bilan jang qiladigan bo'ldi.
Keyinchalik ajoyib "qariya" va yosh qon vakili o'rtasida yaxshi jang tashkil qilish mumkin. Kim biladi, balki keyingi jangim Smit bilan bo'lar. U ham men bilan jang qilishga qiziqmoqda", dedi Guskov.
Malumot uchun, Bogdan Guskov 2025 yilning 18 yanvar kuni sobiq jamoadoshi, braziliyalik Jonni Uoker bilan jang qiladi.
Havola :
Manba : olamsport.com
Fikrlar