Bogdan Guskov SHon Striklend bilan sparring haqida gapirdi

"Tayyorgarlikda SHon mening asosiy sparring hamkorim bo'ldi. Biz 40 yoki 50 raund o'tkazdik. Unga mening uslubim yoqdi, menga uning uslubi yoqdi. U bosim qila oladi, men ham raqibga bosim qilishni yoqtiraman.

Bu boshqacha eshitilishi mumkin, ammo birinchi raundda uning jigariga yo'l topdim. U esa oddiy yigit, kibr yo'q. U oldimga kelib, faoliyatida bunaqasi ilk bor bo'layotganini tushuntirdi.

Xullas, anchadan beri unga bunday zarba berishmagandi. Ammo, keyin men qancha harakat qilmay, shundan so'ng bunaqasi bo'lmadi", - dedi Guskov.