19 iyu 08:22
Yangiliklar

Boks/MMA

Bogdan Guskov UFC'ga Nursultonning menejeri Ali Abdel-Aziz orqali o'tdi

Kecha yarimog'ir vazn toifasida o'zbekistonlik aralash yakkakurash ustasi Bogdan Guskovning UFC'ga qo'shilgani haqida xabar bergan edik.

Malum bo'lishicha, Guskov taniqli menejer Ali Abdel-Aziz rahbarlik qiluvchi Dominance MMA kompaniyasi mijoziga aylangan va shu orqali UFC'ga qo'shilgan.

"Biz O'zbekistonning iqtidorli va har doim hayajonga boy bo'lgan sportchisi - Bogdan Guskovni 100 % finishli ko'rsatkichi bilan o'z istedodini UFC'ga ko'chirayotganini elon qilishdan mamnunmiz", - deyiladi kompaniya xabarida.

Guskov UFC'dagi ilk jangini 3 sentyabr kuni Franciyada o'tkazadi. Unga kim raqiblik qilishi hozircha malum emas.

Eslatib o'tamiz, avvalroq, yana bir hamyurtimiz Nursulton Ro'ziboev ham aynan Dominance MMA kompaniyasi orqali UFC azosiga aylangan edi.