30 avg 17:53
Yangiliklar

Boks/MMA

Bogdan Guskovning bo'lajak raqibi Volkan Ozdemir hamyurtimiz bilan jang haqida gapirdi

SHveycariyalik UFC jangchisi Volkan Ozdemir o'zbekistonlik Bogdan Guskov bilan bo'lajak jang oldidan o'z fikrlari bilan o'rtoqlashdi.

"Top-15'da men bilan jang qila oladigan hech kim yo'q edi, shuning uchun, agar men bu turnirda ishtirok etishni xohlasam, debyutant bilan jang qilishim kerakligini aytishdi. Men bundan xafa bo'ldim. Bunday janglar ham tuzoq, ham sovg'a bo'lishi mumkin.

Men bu yigitning oktagonda yotishini va referi qo'limni ko'tarishini xohlayman. Mening tomoshabinlarim, xalqim bo'ladigan Parijda g'alaba qozonish men uchun muhim. Jangni intiqlik bilan kutyapman", - dedi Ozdemir.

Eslatib o'tamiz, Bogdan Guskov va Volkan Ozdemir jangi 2 sentyabr tunda bo'lib o'tadi.