03 iyu 15:01
Yangiliklar

Boks/MMA

Boks afsonalari o'zaro ringga ko'tarilishmoqchi

Boks bo'yicha ikki vazn toifasida sobiq jahon chempioni Riki Xatton olti vazn toifasida sobiq jahon chempioni Oskar de la Xoyya bilan ringga chiqishga tayyorligini malum qildi.

"Imkoniyat bo'lsa, Oskar de la Xoyyaga qarshi jang qilardim! Oskar ko'plab odamlar uchun boksda o'rnak bo'lgan, shuning uchun bu shunchaki shou-jang bo'lsa ham qiziqarli bo'lar edi. U bilan ringni baham ko'rish va uning qanchalik yaxshi bo'lganini va ehtimol hozir ham shunday qolganligini birinchi qo'ldan bilib olish mumkin bo'lardi", - deya Xattonning so'zlarini keltiradi Metro.

Riki Xatton 2012 yilda, de la Xoyya esa 2008 yilda professional faoliyati yakunlagan. Britaniyalik bokschi 45 g'alaba va uchta mag'lubiyat, amerikalik 39 g'alaba va olti mag'lubiyatga ega.