Boks bo'yicha jahon chempionati uchun qura tashlandi, hamyurtlarimizga kimlar raqiblik qiladi?

Bugun ushbu chempionat uchun qura tashlash marosimi bo'lib o'tdi.

- 48 kg: SHodiyorjon Meliqo'ziev JCHdagi ishtirokini saralash bosqichidan boshlaydi, unga nepallik Tara raqiblik qiladi. Ushbu jangda g'alaba qozongan taqdirida, hamyurtimiz qozog'istonlik tajribali Sanjar Tashkenbay bilan to'qnash keladi.


- 51 kg vaznda Hasanboy Do'smatov ham o'z ishtirokini saralashdan boshlaydi, unga birinchi bo'lib meksikalik Kastenada Ximenes raqiblik qiladi.


Yana bir bokschimiz, - 54 kgdagi Oybek Jo'raev nimchorak final bosqichida ringga chiqadi, u mazkur vaznda ettinchi raqamda tasniflangan serbiyalik tajribali Tamir Galanov bilan jang qiladi.


- 57 kgdagi hamyurtimiz Abdumalik Xalakov esa ishtirokini nimchorak finalda boshlaydi, u gvineyalik Alikok va turkmanistonlik Giljanov bahsi g'olibiga qarshi ringga chiqadi.


Mujibillo Tursunov esa - 60 kgdagi ishtirokini saralash bahsidan boshlaydi, u ilk jangini hindistonlik Singh Varinderga qarshi o'tkazadi. Jang ertaga o'tkaziladi.

63, 5 kg vaznda o'zbekistonlik bokschi Ruslan Abdullaev ham 1/16 finaldan janglarga qo'shiladi, unga puerto-rikolik Febus raqiblik qiladi.


Asadxo'ja Mo'ydinxo'jaev esa - 67 kgda nimchorak finaldan janglarga qo'shiladi. U yaponiyalik Muka Vakita va polshalik Szot o'rtasidagi jang g'olibi bilan to'qnash keladi.


- 71 kg. Saidjamshid Jafarov saralashda mozambiklik Muxangaga qarshi jang qiladi. G'olib bo'lgan taqdirda hamyurtimiz vaznning uchinchi raqamli jangchisi, meksikalik Alvares Verde bilan to'qnash keladi.


- 75 kg. Eng yosh bokschimiz Aloxon Abdullaev o'z ishtirokini nimchorak finalda boshlaydi. U xitoylik Jaoga qarshi jang qiladi.

- 80 kg. Jasur Yo'ldoshev saralash bahsida jazoirlik Nemochi bilan to'qnash keladi.


- 86 kg. "Yoqimtoy" bokschimiz — SHohjahon Abdullaev saralash jangida afrika vakili Nlandu Mbeliga qarshi ringga chiqadi.

Og'ir vazn toifasidagi hamyurtimiz Lazizbek Mullajonov nimchorak finalda kolumbiyalik Kolorado Urtado bilan to'qnash keladi.

Musobaqaning superog'ir vazn toifasida 3-raqamli deya tasniflangan Bahodir Jalolov ishtirokini nimchorak final bosqichidan boshlaydi.