Boks bo'yicha Rossiya terma jamoasi bosh murabbiyi: "Maqsadimiz - 3 ta oltin edi"

"Birinchi navbatda jamoamizga - murabbiylar shtabiga, barcha mutaxassislarga, shifokorlarga, massajchilarga, Rossiya boks federaciyasiga, yonimda bo'lgan barchaga minnatdorlik bildiraman. Tayyorgarlik uzoq va jiddiy bo'ldi. Ehtimol, men Rossiya va Sovet boksi tarixida birinchi marta murabbiylar tarkibiga yordam berishga, sekundantlik qilishga ruxsat berdim. Agar biror narsa qo'shadigan bo'lsam, suhbatlarga unchalik aralashmasdim. Ishtirokchilar tarkibi turnirda eng kuchli edi. Butun jamoaga rahmat, biz katta ish qildik, jamoaviy hisobda birinchi o'rinni egalladik. Turnir oldidan uchta oltin vazifasi majburiyatini olgandim. Etmay qolgandan ko'ra ko'proq olish kerak degandim.

Hamma munosib ishtirok etdi, butun jamoa final va yarim finalga chiqdi. Jamoa sardori Muslim Gadjimagomedov sovet va rus boksi tarixidagi birinchi uch karra jahon chempioni bo'ldi. Jamoamizdagilarning aksariyati yoshlar edi, men butun jamoani, barcha chempionlarni bilardim. Doim shunday qilaman - inson Rossiya chempionatida qatnashish huquqini qo'lga kiritdi, u jahon chempionati va Evropa chempionatiga borishga loyiq. Faqat qo'pol qoidabuzarlik yoki kimdir betob bo'lib qolsa, o'zgartirish kiritishimiz mumkin. Hamma tayyor holda yurtimiz sharafini munosib himoya qildi. Juda mamnunman", - dedi Farxutdinov.

Malumot uchun, Rossiya terma jamoasi 13 ta vaznning barchasida medal qo'lga kiritdi. O'n ikki bokschi bilan finalda qatnashgan ruslar 7 ta vaznda chempion bo'lishdi.