Boks. Osiyo chempionatida Qozog'iston va O'zbekiston bokschilari o'rtasidagi principial qarama-qarshiliklar

Qozog'iston terma jamoasi deyarli eng kuchli tarkibini Osiyo chempionatiga olib bormoqda. Jamoaning chemponatidagi eng asosiy raqibi O'zbekiston terma jamoasi hisoblanadi. O'tgan Osiyo chempionatida O'zbekiston o'z uyida barchani  hayron qoldirib, to'qqizta oltin medalni qo'lga kiritdi. Lekin, O'zbekiston terma jamoasining tarkibi deyarli to'liq yangilandi. Qozog'istonliklar ham Rio-2016dan keyin tarkibda katta o'zgarish qildilar. 

O'zbekiston  tarkibi:

- 49 kg: Nodirjon Mirzahmedov           

- 52 kg: Hasanboy Do'smatov                 

- 56 kg: Mirazizbek Mirzahalilov       

- 60 kg: SHukurjon Rahimov                

- 64 kg: SHunqor Abdurasulov           

- 69 kg: BoboUsmon Boturov             

- 75 kg: Isroil Madrimov                     

- 81 kg: Dilshodbek Ro'zmatov                

- 91 kg: Sanjar Tursunov                      

+ 91 kg: Bahodir Jalolov

O'tgan chempionatda ishtirok etganlardan bor-yo'g'i Do'smatov, Madrimov va Jalolov qoldi. Etiborlisi, ulardan ikki nafari allaqachon professional boksda ishtiroklarini boshlab yuborishgan. 24 yoshli Jalolov profida 6 ta jang o'tkazib, raqiblarining barchasini nokaut qilgan bo'lsa, Madrimov ikkita jang o'tkazgan. Terma jamoaning asosiy yulduzi - Olimpiada chempioni Hasanboy Do'smatov hisoblanadi. 

Qozog'iston tarkibi:

-49 kg: Temirtas Jusupov

-52 kg: Anvar Muzapparov

-56 kg: Qayrat Eraliev

-60 kg: Zakir Safiullin

-64 kg: Sanatali Toltaev

-69 kg: Aslanbek SHimbergenov 

-75 kg: Tursinbay Kulaxmet

-81 kg: Bek Nurmaganbet

-91 kg: Vasiliy Levit 

+91 kg: Kamshibek Ko'nkabaev

Vasiliy Levit - Sanjar Tursunov

Toshkentda bo'lib o'tgan Osiyo chempionatida Olimpiada sovrindori Levit raqibini mag'lub etib, O'zbekistonning barcha oltin medalni olishiga yo'l qo'ymagandi. Levit ikki yil muqaddam o'zbekistonlik bo'lmagan yagona Osiyo chempioni bo'lgan. Bu Osiyo chempionatida Sanjar raqibidan revansh olishga erishadimi yoki Levit to'rtinchi oltin medalini qo'lga kiritadimi? Buni esa Osiyo chempionatida kuzatamiz.

Kamshibek Ko'nkabaev - Bahodir Jalolov

Jahon chempionati kumush medal sohibi Kamshibek Jalolovga ikki yil muqaddam finalda imkoniyatni boy bergandi. Kamshibekning asosiy maqsadi Olimpiadaga tayyorgarlik bo'lsa, Bahodirning Olimpiya o'yinlariga borishi hali aniq emas. Toshkentdagi finalda mag'lub bo'lgandan so'ng Kamshibek Bahodirning taktikasini yaxshi o'rganganligini, lekin unga qarshi kurasha olmaganini tan olgandi. Ikki yil avvalgi omadsizlikni qozog'istonlik sportchi Bangkokda muvaffaqiyatga aylantira oladimi? Agar bu ikki bokschi yana ringda to'qnash kelishsa, so'zsiz bu turnirning bezagi bo'ladi.

Aslanbek SHimbergenov - BoboUsmon Boturov

Olimpiadadan so'ng Qozog'iston yulduzi Daniyar Eleusinov professional boksga o'tib ketdi. Daniyarning raqibi SHahram G'iyosov ham hozirda faoliyatini profida davom ettirmoqda. Qozog'istonning bu vazndagi yana bir kuchli bokschisi Ablayxan Jusupov ham jarohat tufayli Tailandga bormadi. SHu boisdan Qozog'iston sharafini Aslanbek SHimbergenov himoya qiladi. Uning asosiy raqibi Boturov oxirgi oltita O'zbekiston chempionatida uzluksiz medal olmoqda, ulardan ikkitasi oltin hisoblanadi. SHimbergenov ham ancha tajribali bokschi. Qozog'iston chempioni va ikki marta Osiyoning eng yaxshi bokschisi (WSB  talqinida). Bu ikki bokschi Osiyo o'yinlari finalda jang qilishgan va o'shanda Boturov oltin olgandi. Bangkokda revansh bo'ladimi yoki yo'q?

Tursinbay Kulaxmet - Isroil Madrimov

Yana bir qiziqarli jang bo'lishi mumkin. Tursinbay ancha kuchli va tajribali bokschi. Madrimovga esa ortiqcha tarif berish shart emas. Professional boksdagi ikkinchi g'alabasidan so'ng uni muxlislar «Monstr» deb atashni boshlashdi. Ikki yil muqaddam Madrimov boshqa bir qozoq bokschisi Abilxan Amanquluni mag'lub etgandi. Lekin, Kulaxmetning o'z rejalari bo'lsa kerak raqibga nisbatan. Agar bu duellar orasida eng qizig'i Kunkabaev – Jalolov jangi bo'lsa, ikkinchisi eng qiziq jang so'zsiz Kulaxmet – Madrimov qarama-qarshiligi bo'ladi.

Eslatib o'tamiz, boks bo'yicha Osiyo chempionati 19-26 aprel kunlari o'nta vazn toifasida Tailand poytaxti Bangkok shahrida bo'ladi.

vesti.kz saytidan Nig'monxo'ja Nozimov tarjimasi