Bokschi yigitlarimiz "Stranja-2021" turnirida umumjamoa hisobida birinchi bo'lishdi

Bahslarda jahonning 30 ga yaqin mamlakatidan bokschilar sovrinli o'rinlar uchun kurash olib borishdi. Xabar berganimizdek, ushbu musobaqada O'zbekiston terma jamoasi vakillari ham ishtirok etishdi. 

Bugun nihoyasiga etgan musobaqa yakunlariga ko'ra, O'zbekiston erkaklar terma jamoasi 3 ta oltin, 2 ta bronza medalini qo'lga kiritgan holda, erkaklar o'rtasida umumjamoa hisobida birinchi o'rinni egallashdi. Ikkinchi o'rinni mezbon Bolgariya egallagan bo'lsa, Ukraina terma jamoasi kuchli uchlikka yakun yasadi. 

Terma jamoamiz safida quyidagi bokschilarimiz yurtimizga medal bilan qaytadigan bo'lishdi:

Oltin: 

-69 kg: Bobousmon Boturov

-81 kg: Dilshodbek Ro'zmetov

+91 kg: Bahodir Jalolov

Bronza: 

-52 kg: SHahobiddin Zoirov

-63 kg: Asadxo'ja Mo'ydinxo'jaev.

Qizlarimizdan -69 kg vaznli Navbahor Hamidova bronza medaliga sazovor bo'ldi. 

O'zbekiston boks federaciyasi matbuot xizmati