Bokschilarimizdan biri WBC reytingini tark etdi + POSTER

Butunjahon Boks uyushmasi iyun oyi uchun yangilangan reytingni elon qildi. Super o'rta vazn toifasi (76,2 kg): Azizbek Abdug'ofurov reytingga kiritilmadi. Bokschi o'tgan oyda 9-pog'onani band etib turgandi

SHu tariqa, reytingdan 10 nafar charm qo'lqop ustamiz o'rin egalladi. 

Ularning joylashgan o'rinlari bilan tanishing:

Superog'ir vazn: Bahodir Jalolov o'tgan oydagidagi kabi 17-o'rin;

Super o'rta vazn toifasi (76,2 kg): Bektemir Meliqo'ziev 19-o'rinni band etdi, o'tgan oyda u 17-pog'onada edi;

Super yarim o'rta vazn (69,8 kg): Isroil Madrimov o'tgan oydagidan bir pog'ona yuqorilab, 5-o'ringa joylashdi;

Yarim o'rta vazn (66,6 kg):  SHahram G'iyosov 1 pog'ona pasayib 20-o'rinni egalladi; Jahongir Rasulov o'tgan oydagi kabi 31-o'rinda;

Super engil vazn (63,5 kg): SHohjahon Ergashev o'tgan oydagidan 1 o'rin pastlab, 15-o'rinda qayd etildi; Botir Ahmedov ham 7 pog'onaga pastladi - 30-o'rin;

Yarim engil vazn (57,1 kg): Otabek Xolmatov 10-o'rin, bokschimiz o'tgan oyda 9-pog'onani band etgan edi;

Birinchi yarim engil vazn (55,3 kg): Murodjon Ahmadaliev o'tgan oydagi singari 4-o'rinda;

Birinchi o'ta engil vazn (48,8 kg): Hasanboy Do'smatov o'tgan oydagidan 2 pog'ona ko'tarilib 8-o'rinni band etdi.