Boku mamlakatlarning sport sohasidagi do'stlik platformasiga aylandi

Mutasaddilar 26-29 iyun kunlari ushbu shaharda o'tadigan Jismoniy tarbiya va sportga masul vazir hamda yuqori mansabdor shaxslarning ettinchi xalqaro anjumanida (MINEPS VII) ishtirok etishadi. Unda 50 dan ortiq mamlakatdan tashrif buyurgan delegatlar qatnashmoqda.

Tadbir davomida sohadagi hamkorlik aloqalarini yanada kuchaytirish yuzasidan qator kelishuvlarga erishilmoqda. Jumladan, Adham Ikramov Eron Sport va yoshlar vaziri Hamid Sajjadi bilan uchrashuv o'tkazdi. 

Takidlash joiz, har ikki davlat Prezidentlari bir necha kun avval Tehronda o'zaro uchrashishgan edi. Suhbatda mamlakat rahbarlarining do'stona siyosatini sport sohasida davom ettirish, o'zaro tajriba almashish kabi masalalar atroflicha muhokama qilindi.

SHuningdek, A.Ikramov hamda O.Kasimov Ozarbayjon Yoshlar va sport ishlari vaziri Farid Gayibov hamda mamlakat Olimpiya qo'mitasi Bosh kotibi Azer Aliev bilan ham uchrashishdi. Suhbat davomida har ikki davlat o'rtasida sohaga oid hamkorlikni kuchaytirish va mustahkamlash kun tartibining asosiy mavzularidan biri bo'ldi. 

Rejaga ko'ra, tashrif davomida yana bir qator mamlakatlarning sport sohasidagi etakchilari bilan ham uchrashuvlar tashkil etilishi ko'zda tutilgan.