21 apr 16:06
Yangiliklar

Dzyudo

Boltaboev finalda, Rasulov 7-o'rin bilan kifoyalandi

Fujayra shahrida davom etayotgan dzyudo bo'yicha kattalar o'rtasidagi Osiyo chempionatida yana bir medalni qo'lga kiritishimiz aniq bo'ldi.

-81 kg vazn toifasida yurtimiz sharafini himoya qilayotgan SHarofiddin Boltaboev yarim final uchrashuvida qozog'istonlik Didar Hamzani mag'lubiyatga uchratib, hal qiluvchi finalga yo'l oldi. Uning Osiyo chempionligi uchun kechadigan bahsdagi raqibi ayni daqiqalarda aniqlanmoqda.

Eslatib o'tamiz, SHarofiddin Boltaboev saralash bahslarida quvaytlik Abdulloh Al Huzam hamda koreyalik Sung Xo Lini mag'lubiyatga uchratgan edi. Ushbu vazn toifasidagi ikkinchi vakilimiz Kamoliddin Rasulov esa bronza medali uchun o'tish bahsida yaponiyalik Xikaru Tomokioga imkoniyatni boy berdi va 7-o'rin bilan kifoyalandi.