08 dek 15:11
Yangiliklar

Tadbirlar

Boltaboy polvon “Hosil bayrami”da ham tengsiz + FOTO

Urganch ixtisoslashtirilgan olimpiya zaxiralari maktab-internati stadionida O'zbekiston Respublikasi Konstituciyasi qabul qilinganining 27 yilligi va O'zbekiston qishloq xo'jaligi xodimlari kuniga bag'ishlangan “Hosil bayrami” tantanalari bo'lib o'tdi.

Cayl tarzida tashkil etilgan bayram qishloq xo'jaligi mahsulotlari ko'rgazmalari, madaniy dasturlar, xalq o'yinlari va sport musobaqalaridan iborat bo'ldi. Milliy sport turlarimiz - kurash, armrestling, tosh ko'tarish va arqon tortish musobaqalari ham tantana ishtirokchilariga mayramona kayfiyat ulashdi.

Kurash musobaqasi mutloq vazn toifasida uyushtirildi. Unda 20 nafarga yaqin xorazmlik el tanigan polvonlar bel olishdi. Keyingi paytlarda yuksak natijalari bilan etiborga tushayotgan bog'otlik Boltaboy polvon Boltaev muvaffaqiyat qozonib, bosh sovrin - tulpor bilan taqdirlandi. Ikkinchi o'rin shovotlik Nurtoy polvon Iskandarovga nasib etdi. Faxrli uchinchi o'rindan Umarbek polvon Ro'zmamatov (Xonqa tumani) va Alisher polvon Quryozov (Hazorasp tumani) joy oldi. Sovrindor bo'lgan polvonlar ham televizor va qo'yga sazovor bo'lishdi.

Arqon tortish bellashuvida SHovot tumani jamoasiga teng keladigan topilmadi. Armrestling bahsida Xiva shahri sportchisi Diyorbek Otajonov zafar quchdi. Tosh ko'tarish mashqini bajarishda ham xivalik Dilshodbek Bobojonov g'oliblikni qo'lga kiritdi. Mazkur musobaqalarning g'olib va sovrindorlariga ham tashkilotchilar tomonidan qimmmatbaho sovg'alar topshirildi. Tadbir xorazmlik sanat ustalarining keng qamrovli koncert dasturi bilan davom etdi.