14 jan 15:49
Yangiliklar

Boks/MMA

BOOM. Nursulton Ro'ziboevning UFC'dagi ikkinchi raqibi va jang sanasi malum bo'ldi. Raqib jiddiy!

Teglar : Nursulton Ro'ziboev Sedrik Dumas

O'rta vazn toifasida o'zbekistonlik UFC jangchisi Nursulton Ro'ziboevning (35-8-2) ligadagi ikkinchi jangi tafsilotlari malum bo'ldi.

Hamyurtimiz 31 mart kuni Atlantik Sitida (AQSH) o'tkaziladigan UFC Fight Night turniri doirasida oktagonga qaytadi. Unga o'sha kuni amerikalik Sedrik Dumas (9-1-0) raqiblik qiladi.

Eslatib o'tamiz, Nursulton Ro'ziboev UFC'da o'zining debyut jangida braziliyalik Bruno Ferreyrani muddatidan oldin mag'lub etgan edi.

28 yoshli Sedrik Dumas uchun esa bu UFC'dagi to'rtinchi jang bo'ladi. U avvalgi uchta jangida ikkita g'alaba va bir mag'lubiyat qayd etgan. Oxirgi jangini 2023 yil oktyabrida Abu Azaytarga qarshi o'tkazgan Sedrik ochkolar hisobiga ko'ra g'alaba qozongan edi.