Botir Ahmedov hakamlar qaroridan norozi

Oqshom doirasida superengil vazn toifasida (63,5 kg) yurtimiz sharafini himoya qilib kelayotgan 32 yoshli charm qo'lqop ustamiz Botir Ahmedov (9-3) amerikalik 29 yoshli Kennet Sims Junior (20-2-1)ga ochkolar hisobiga ko'ra yutqazib (112-116, 113-115, 114-114) qo'ydi. 

Ushbu jang superengil vazn toifasida WBA chempionlik kamariga majburiy davogar (Eliminator) nomini aniqlab berdi. Sims Junior keyingi jangini chempionlik kamari uchun o'tkazadi. Kamar yo'lidagi uchinchi urinishda ham mag'lubiyatga uchragan Ahmedov esa bahsli g'alabani Kennetga taqdim etgan hakamlar qaroridan norozi ekanini bildirdi. 

"Albatta, men bu jangni ko'rib chiqishim kerak. O'ylashimcha, bugungi jangda g'alaba qozondim. Men o'zim mag'lub deb hisoblamayman. SHunday xulosa kelyaptiki, raqiblarim 12 raundni bir amallab to'liq o'tkazib olishsa, g'alaba qozonishadi. Hech bir 12 raunlik jangda menga hali g'alabani berishmadi. Bu men uchun juda og'ir. Men mashg'ulotlarga qancha kuch sarfladim. Jahon chempioni bo'lishdek oliy maqsadim nihoyat uchinchi urinishda amalga oshadi deb o'ylagandim. Lekin o'xshamayapti. Balki muxlislar obektiv fikr bildirishar. Nima deb o'ylaysiz, bu jangda kim g'alaba qozondi?", - dedi Ahmedov.