Botir Ahmedov: Isroil bu jangda reja bo'yicha ko'proq raundga ishlashi kerak

«Avvaliga Isroil bu kardda jang qilmasligi kerak edi. Keyin shu kard uchun taklif bo'ldi. Madrimov biroz dam oldi. Raqibni kuchsizi bo'lmaydi, hamma bokschi, hammani o'ziga yarasha zarbasi bor. Albatta, Isroilda tajriba katta. Reja bo'yicha Isroil bu jangda ko'proq raundga ishlashi kerak. 7-8-raunddan keyin nokautga harakat qiladi. Lekin Madrimovni bilamiz, zarbalari kuchli, 8-raundgacha bormasligi ham mumkin. Menimcha, 4-raundgacha yakunlanadigan jangga o'xshayapti. 

KAKA jarohat tufayli ancha vaqt tanaffusda qoldi. Raqibining jang qilish uslubi Murodjonnikiga o'xshaydi, zarbasi kuchli. Mashg'ulotlarda birga bo'ldik. Ringda kim chempionligini yana bir bor ko'rsatadi.  

Sparringlarda Murodjonga ham Isroilga ham yordam berdim. CHunki har ikkisining raqibi chapaqay. Sparring sheriklar bo'lmaganida men yordamchi bo'ldim. Ikkala bokschimiz ham ajoyib sport formasida. Jang kunida buni isbotlashadi. Ularga ishonamiz va duo qilamiz», - dedi Ahmedov Olamsport.com sayti muxbiriga bergan intervyusida.