Botir Ahmedov sobiq raqibi Alberto Puelloning doping istemol qilganligiga ishora qildi

Super engil vazn toifasida (63,5 kg) jang qiluvchi 32 yoshli o'zbekistonlik bokschi Botir Ahmedov (9-2) dominikanlik Alberto Puellodan doping aniqlanganiga munosabat bildirdi.

"Biz avgust oyida WBA kamari uchun jang o'tkazganimizda men qandaydir tushunarsiz vaziyatni sezgan edim. Men o'sha jangda g'alaba qozonganman deb xisoblayman. Mening zarbalarim og'irroq edi. U esa jangdan omon chiqish uchun xarakat qildi. Lekin xayotda baribir xaqiqat yuzaga chiqadi. Yana bir bor kamar uchun jang qilishga umid qilib qolaman.

Biz ikkimiz xam o'sha jangdan keyin xali jang qilmadik va ortga nazar tashlaganimda, menda juda ham shubxali tuyg'ular paydo bo'ladi, o'sha jangda xam nimadir borligiga shubxam bor. Men boksda yuzlab janglar o'tkazganman va bunday raqibni shubxali tomonlarini aniqlay olaman", - dedi Ahmedov.

Eslatib o'tamiz, Botir Ahmedov 2022 yil 21 avgust kuni Floridada (AQSH) tashkil etilgan boks oqshomi doirasida WBA kamari uchun Alberto Puelloga qarshi ringga chiqib, ochkolar hisobiga (115:113, 111:117, 111:117) mag'lub bo'lgan edi.

Ahmedov 13 may kuni amerikalik Kennet Smitga qarshi WBA chempionlik kamari uchun davogarlik jangini o'tkazadi.