Breaking! O'zbekistonlik MMA jangchisi Dana Uayt davogarlar seriyasida jang qiladi!

Quvonarlisi, bu yilgi seriyada o'zbekistonlik aralash yakkakurash ustasi Mirafzal Axtamov ham ishtirok etadi. Bu haqda uning o'zi Instagram sahifasi orqali malum qildi.

Mirafzalning so'zlariga ko'ra, uning raqibi va jang sanasi ikki haftadan keyin bo'lib o'tadigan rasmiy qura marosimidan keyin aniq bo'ladi.

Eslatib o'tamiz, yarimo'rta vazn toifasidagi Mirafzal Axtamov so'nggi jangini 2023 yil noyabr oyida amerikalik Keyt Dousonga qarshi o'tkazib, g'alaba qozongan edi. Avvalroq, boshqa bir hamyurtimiz - Anvar Boynazarov ham Dana Uayt davogarlar seriyasida jang qilib, mag'lub bo'lgan edi.

Malumot uchun, ayni damda UFC'dagi o'zbekistonliklar soni 2 nafarni tashkil etadi, ular Nursulton Ro'ziboev va Bogdan Guskov.