Bred Tavares 2 yildan so'ng UFC'ga qaytgan sobiq chempion ustidan zafar quchdi

Prelim kardning so'nggi jangi ham yakunlandi. Unda o'rta vazn toifasi vakili, amerikalik Bred Tavares (20-8-0) hamyurti, sobiq chempion Kris Veydman (15-7-0) bilan to'qnash keldi. Jang to'liq davom etdi va unda Tavares ochkolar hisobiga ko'ra Veydmandan ustun keldi.

Bu Bred Tavares uchun ikkita mag'lubiyatdan so'ng qo'lga kiritilgan g'alaba bo'ldi. Kris Veydman esa 2 yillik tanaffusdan so'ng yana UFC'ga qaytdi, achinarlisi, u o'zining so'nggi uchta jangidan buyon g'alaba nima ekanini bilmay kelmoqda.