Bronza yo'lidagi kurash: Erkin kurashchilarimiz bronza medalini qo'lga kiritish uchun kimlarni mag'lub etishlari kerak?

Bugungi bellashuvlarda qatnashgan har ikki sportchimiz bronza medali uchun kurashish imkoniyatini saqlab qoldi. G'ulomjon Abdullaev (-57 kg) va Javrail SHapiev (-86 kg) mag'lub bo'lgan sportchilar finalga qadar etib borishdi. SHu sababli, sportchilarimizda medallar uchun kurashish imkoniyati yuzaga keldi. 

Ertaga sportchilarimiz ikkita bahsda g'alaba qozona olishsa, bronza medalini qo'lga kiritishadi.

Erkin kurashchilarimizni quyidagi raqiblarga qarshi bellashuvlar kutib turibdi:

-57 kg. O'tish bahsi: G'ulomjon Abdullaev - Tomas Gilman (AQSH)

Bronza uchun: Rizo Atri (Eron)

-86 kg. O'tish bahsi: Javrail SHapiev - Stefan Richmut (SHveycariya)

Bronza uchun: Artur Nifonov (Rossiya)

O'tish bahslari 5 avgust kuni Toshkent vaqti bilan 7:00dan keyin boshlanadi. Bronza medali uchun bellashuvlar esa 15:30 dan keyin start oladi. 

-74 kg vaznli boshqa bir erkin kurashchimiz Bekzod Abdurahmonov esa o'z ishtirokini ertaga puerto-rikolik Franklin Gomesga qarshi bellashuv bilan boshlaydi.