"Bu to'qnashuv Usik - Fyuri jangidan ko'ra qiziqarliroq bo'ladi"

Frenk Smitning so'zlariga ko'ra, Entoni Joshua va Deontey Uaylder o'rtasidagi jang Aleksandr Usik hamda Tayson Fyuri o'tasidagi mutlaq chempionlik jangidan ko'ra qiziqarliroq bo'lar ekan.

"Menimcha, Joshua va Uaylder o'rtasidagi jang Usik — Fyuri jangidan ko'ra qiziqarliroq bo'ladi. Yuz foiz aminmanki, Joshua Uaylder bilan jang qilishni xohlaydi. U hech qachon qiyinchilikdan qochmagan.

Entoni Endi Ruizga yutqazgandan so'ng darhol revansh jangi o'tkazgan. SHuningdek, u Aleksandr Usikka mag'lub bo'lganidan keyin revansh jangini o'tkazdi. Bu safar Usikka qarshi Joshua ancha yaxshi harakat qildi.

Entoni bu sport turiga hali ko'p narsa berishi kerak. U 32 yoshda va hali ham eng yuqori sport formasida. Usik bilan jangda u ajoyib formada ekanligi ko'rsatdi", - deya Smitning so'zlarini keltiradi Boxing 247.