Bu yilgi kompleks musobaqalarga tayyorgarlik masalasi muhokama qilindi

Sport vaziri Adham Ikramov va Otabek Umarov boshchiligidagi O'zbekiston MOQ rahbariyati ishtirokida ushbu yil kutib turgan ana shunday o'yinlarga tayyorgarlik mavzusida yig'ilish o'tkazildi. 

Yig'ilish avvalida Sport vazirligi boshqarma boshlig'i Akrom Nizametdinov 2025 yil kutib turgan kompleks musobaqalar, tashkiliy qo'mita talablariga ko'ra ularda ishtirok etish bo'yicha yosh chegaralari, O'yinlarga kiritilgan sport turlari kabi umumiy malumotlarni berib o'tdi.

Dastavval, 7-14 fevral kunlari Xitoyning Xarbin shahrida o'tishi rejalashtirilgan IX qishki Osiyo o'yinlariga olib borilayotgan hozirlik ko'rib chiqildi. 

Unda Qo'mita raisi o'rinbosari SHerzod Tashmatov O'yinlarda ishtirok etishi kutilayotgan atletlar, sport turlari, terma jamoalarning tayyorgarligi borasida batafsil malumot berdi. SHuningdek, har bir sportchining qaysi sanada Xarbinga etib borishi, olib borayotgan mashg'ulotlari haqida ham to'xtalib o'tdi.

O'z o'rnida, Osiyo Olimpiya kengashi vice-prezidenti, MOQ raisining birinchi o'rinbosari Otabek Umarov delegaciya azolarining tayyorgarligi alo darajada bo'lishi lozimligi, mazkur musobaqa Milan-Kortina-2026 qishki Olimpiya o'yinlariga hozirlik ko'rayotgan atletlarimizning imkoniyatini ko'zdan kechirishga yordam berishini takidladi. 

Qolaversa, sportchilarimizning manzilga kerakli muddatlarda etib borishlarini taminlash, ularning ekipirovkalarini yana bir karra nazoratdan o'tkazish, Atletlar shaharchasida delegaciya azolari uchun barcha zarur sharoitlarni yaratish kabi yo'nalishlar bo'yicha tavsiyalar berildi.

Suhbatda kompleks musobaqalarga yoshlar terma jamoasi azolarini ham keng jalb qilish, bu orqali ularning mahorati va xalqaro tajribasini oshirib borish muhimligi borasida fikrlar bildirildi.