"Bu yuqori darajali shaxmat o'yini edi". Volkanovski Maxachevga qarshi birinchi jangni esladi

Ushbu jang 2023 yil 12 fevral kuni UFC 284 turnirida bo'lib o'tgan va unda engil vazn toifasidagi chempionlik kamari uchun kurash bo'lgan. Jang hakamlarning yakdil qaroriga bilan Maxachevning g'alabasi bilan yakunlangan.

"Mashg'ulotlar davomida mening sparring sheriklarim odatda bir-ikki martagina oyoqqa hujum qilishardi. Ular teykdaun qilishadi, so'ng undan davom ettirishardi. Menda keyingi harakatlar bo'yicha tushuncha shakllanardi.

Ammo Islam bilan bo'lgan jangda bunday bo'lmadi. Maxachev teykdaun qilardi, men qarshi hujum bilan javob qaytardim, keyin u yana harakat qildi — shu tarzda almashinib turdik.

Jang davomida yuzimdagi tabassumni ko'rgan bo'lsangiz kerak — men bu jarayondan zavq olganman. Bunday holatda ko'pchilik odamlar hayajonga tushib qolardi, lekin men uning nima qilishini his qilardim.

Tan olish kerak, Islam meni bir necha marta qiyin ahvolga soldi. Bazi paytlarda men uni to'xtatdim deb o'ylardim, u esa buni his qilishga ulgurishi bilanoq taktikani o'zgartirdi va harakatda davom etdi. Bu jang haqiqiy yuqori darajali shaxmat o'yiniga o'xshardi", — dedi Volkanovski Sportskeeda nashriga.