Bugun, 28 oktyabr - Butunjahon dzyudo kuni!

Bugun aynan dzyudo asoschisi Dzigoro Kano tavallud topgan kun. Xalqaro dzyudo federaciyasiga azo 5 qitaning 200ga yaqin mamlakatida, shu jumladan O'zbekistonda ham bu o'ziga xos dzyudo bayrami sifatida tantana qilinadi. Bugun Qoraqalpog'iston Respublikasi, barcha viloyatlar hamda Toshkent shahrida Xalqaro dzyudo kuniga bag'ishlab turli tadbirlar o'tkaziladi.  

Bu yilgi bayram tadbirlari “Daraxt ek!” shiori ostida o'tkaziladi. Bu ko'chat ekish marosimlari zamirida atrof-muhit va tabiatni asrash singari ezgu ishlar mujassam. Bugun erta tongdan viloyat federaciyalari tomonidan joylarga tuli mevali va manzarali ko'chatlar ekildi. Bu marosim soat 14:00da O'zbekiston dzyudo federaciyasiga ko'chadi. U erda katta dzyudo bayrami o'tkaziladi.   

Malumot uchun, yapon jang sanatining oliy ko'rinishi bo'lgan dzyudo bilan bugungi kunda sayyoramizda 30 millionga yaqin kishi shug'ullanadi. Bu son yildan-yilga oshib bormoqda. Dzyudo ilk bor 1964 yili Tokioda o'tgan XVII Yozgi Olimpiada dasturiga kiritilgan edi. O'shandan beri har to'rt yilda olimpiya o'yinlarida dzyudo bo'yicha g'olib va sovrindorlar aniqlab kelinadi.