Bugun Abduraimova Portugaliya turniridagi ishtirokini boshlaydi

Ushbu musobaqada hamyurtimiz Nigina Abduraimova ham o'z imkoniyatini sinab ko'radi. Bugun mamlakatimizning birinchi raketkasi ilk davra uchrashuvida shveycariyalik 18 yoshli Selin Naefga qarshi kortga chiqadi. 1/16 final bosqichidan o'rin olgan ushbu bahs bizning vaqt bilan soat 16:00da boshlanadi. 

Taqqoslash uchun, Nigina Abduraimova WTA reytingida 195, Selin Naef esa 125-o'rinni egallab turibdi. Nigina oxirgi 5 ta uchrashuvidan 2 tasida, Selin esa 5 ta bahsning barchasida g'alaba qozongan. Bu tennischilarning o'zaro ilk uchrashuvi bo'ladi.